مقالات صيدلانية مهنية

قواعد زنقة الامتحانات الأربعون

 

1) ابتعد عن panic و stress وخد الموضوع ببساطة ، امتحانات وسوف تنتهي
2) حافظ على عدد كافٍ من ساعات نومك … تابع على موقعنا : (جلسة استرخاء وتنويم إيحائي ” hypnosis ” مع د/ أحمد الجويلي (1) و جلسة استرخاء وتنويم إيحائي ” hypnosis “ مع د/ أحمد الجويلي (2))
3) جداول تنظيم الوقت حلوة ، لكن المفروض ما تأخذ أكثر من 10 دقائق في كتابتها
4) أثناء زنقة الامتحانات ، قم بـ استخدم Pomodoro Technique ، بحيث تذاكر 25 دقيقة بتركيز وترتاح 5 دقائق
5) استخدم تطبيق Forest حتى تقلل من تشتتك بالأمور التي تشد انتباهك عن المذاكرة
6) حسّن من طريقة مذاكرتك مهما كانت الطريقة ، لكن لا تحاول أن تجرب طريقة جديدة غير معتاد عليها خلال زنقة الامتحانات
7) لا تقفل أكونت الفيس بوك الخاص بك أثناء زنقة الامتحانات ، منعاً لظهور أعراض الانسحاب وحدوث الاكتئاب
8) بدل ما تقفل الفيس ، اعمل unfollow لزملائك الفاقدين ، واطلع من الصفحات البايخة
9) استفيد من الفيسبوك من خلال مشاركة المعلومات والمراجعة مع زملائك
10) اقرا في المصحف صفحة واحدة على الأقل يومياً ولكن بتركيز وتأمل
11) طلّع صدقة و لو 5 جنيه من رصيد موبايلك برسالة لـ مؤسسة مرسال- Mersal Foundation
12) خفف من المنبهات … تابع مقال : (لماذا قد تشعر بالنعاس بعد شرب القهوة أو الشاي ؟)
13) لا تبتعد عن المنبهات ، وتروح تضرب ترامادول … تابع مقال : (زميلي الصيدلي … همسة في أذنك)
14) اضغط save بضمير مرتاح لأي بوست فيه كورسات ممكن تشوفها أونلاين في الأجازة … تابع على موقعنا كورس متخصص في الـ OTC & Pharmacology  باقة Learn Pharmacy At Home 
15) لخّص المعلومات المهمة بنفسك وكإنك بتعمل برشام للغش ولكن اتركه في البيت لأنّ الغش حرام … فهذا التلخيص يعمل على تثبيت المعلومة
16)
17) لو لخّصت حاجة و حسيت إن ده ممكن يفيد زمايلك , انشره .. ساعد غيرك تتساعد
18) ماتدّعيش إنك في الضياع , و إنك حتشيل المواد كلها , عشان ده مش بيساعدك ولا بيساعد غيرك .. ابعد عن الحسد , بالحفاظ على الأذكار , مش بخزيْ العين بالطريقة دي
19) حافظ على صلاتك بخشوع .. و ما تؤجلش الصلاة بحجة المذاكرة .. ربك هو اللي بيوفقك
20) أثناء زنقة الامتحانات ، لازم حالتك النفسية تكون مرتفعة ، لأنها تساعدك على الحفظ وتذكر المعلومة
21) ماتستخسرش أي وقت تستثمره في رسم خريطة ذهنية زي دي https://goo.gl/212uQp
22) امشِ ولو 30 دقيقة في اليوم ، ويفضل لو كانت بعد الفجر وأنت مع الكتاب على الكورنيش
23) سجّل لنفسك بصوتك خلاصة كل فصل ، وشغّلهم كـ playlist وأنت نائم .. و ادعُ لي
24) حافظ على مناعتك وجسمك من أدوار البرد ، واضرب 3 فصوص ثوم على الريق يومياً
25) حافظ على جسمك ومخك دائماً hydrated بـ 3 لتر ماء أو أكتر
26) شوف كل يوم Motivational Video قصير يومياً أول ما تقوم م النوم 
27) افصل نفسك عن الأخبار السلبية والمشاكل الاجتماعية ، وأقنع نفسك أنّك سوف تتعامل معها في الاجازة وليس الآن
28) اطلب من والديك والصاحلين الذين تعرفهم أن يدعوا لك بالتوفيق .. دعوة منهم بتفرق
29) شكوت إلى وكيع سوء حفظي *** فأرشدني إلى ترك المعاصي
وأخبرني بأن العلم نور *** ونور الله لا يهدى لعاصي
30) ماتلضمش في أي مسلسلات في رمضان الجاي .. انت مش ناقص تضييع وقت
31) تخيّل نفسك و انت في الامتحان و بتحل كويس .. زي ما قلنا هنا https://goo.gl/M0eE7C
32) عليك و ع الجنسنج و الجنكوبيلوبا و غذاء ملكات النحل و حبة البركة و الكركم ..
33) اختر أنسب وقت للمذاكرة ، ولا تتقيد باختيارات شخص آخر للوقت المناسب
34) عالج الأنيميا اللي عندك لو كانت هي السبب في النسيان وعدم التركيز … تابع على موقعنا محاضرة شاملة تتحدث عن الأنيميا : (محاضرة مفصلة حول الأنيميا وأهم الـ OTC Cases المتعلقة بها)
35) جرب تشغّل white noise على موبايلك من تطبيق White Noise Free
36) استغل اليوتيوب في البحث عن فيديوهات animation تساعدك غلى المذاكرة
37) ذاكر لوحدك … فـ الأسطورة تقول أنّ مذاكرة الصحاب مع بعض عبارة عن جملة “لأ بجد يلّا نذاكر بقى!” كل خمس دقائق
38) في زنقة الامتحانات ، ابتعد عن المذاكرة على السرير ، لأنّ المذاكرة أقوى منوّم على وجه الأرض .. ذاكر على مكتبك
39) لو بتشرب سجاير ، بطّل تدريجياً ، والفيديو التالي ممكن يساعدك  https://youtu.be/LAgy9tvG9oI
40) قلنا لك : في زنقة الامتحانات “ساعد غيرك تتساعد” 

التعليقات
المشاركةعلى مواقع التواصل الاجتماعى

مقالات ذات صلة

زر الذهاب إلى الأعلى