قواعد ‫‏اختيارالكلية‬ الأربعون - Learn Pharmacy At Home
إزاى تستفيد بـ 10 طرق مختلفة بعضويتك فى جروب First Pharmacology Course Online ؟؟
يونيو 13, 2016
حتى لا تشعر أنك صيدلى بطيخة
أغسطس 7, 2016

قواعد ‫‏اختيارالكلية‬ الأربعون

 

قواعد ‫#‏اختيار_الكلية‬ الأربعون (سحقا لـ ‫#‏التنسيق‬ ) .. بوست جاد شوية

1- لا تدخل كلية أنت لا تحبها

2- لا تدخل كلية – على اعتبار أنّها كلية قمة – بهدف الحصول على بريستيج ، أو حتى إرضاءً للوالدين

3- عند اختيار الكلية التي تريد الدراسة فيها ، لا تنظر إلى معدلك في الثانوية العامة

4- ادخل كلية أنت تحبها حتى لو لم يكن لها في نظهر المجتمع

5- سمعنا عن كثيرٍ من الناس دخلو كليات طب وصيدلة وطلعو دكاترة فاشلين ، بالمقابل هناك من دخل كلية حقوق وتخرّجو محامين شاطرين

6- التنسيق ليس عقبة … ادرس ما تحب رغم أنف الحاقدين

7- مع التطور التكنولوجي والتقدم العلمي ،،، التعليم أصبح في متناول الجميع (التعليم الالكتروني) كـ كورسات صيدلة أونلاين التي نقدمها في أكاديمية الجويلي

8- اسأل واحد أو أكتر من خبراء التعليم المفتوح من حبايبنا : Saad Lotfey / Ahmed Emad / Ibrahim Farouq / Adel Hasaballah

9- مش عشان جالك دور برد أو راحت عليك نومة أو اتظلمت فى امتحان واحد , أو ناس غشت و انت لأ , تقوم تسمح بضياع حلمك فى دخول كلية معينة ! .. دور ع الطرق المشروعة غير المعروفة للوصول , و تشبث بهدفك

10- هل تعلم أنّك ممكن تدخل صيدلة فى مصر (بأى مجموع) من خلال السودان / أوكرانيا / روسيا ؟؟ .. لو مش مصدق اسأل Mohamed Elbrawy .. 

11- لو درست في كلية تحبها … سوف تتحمل مشاكلها وعيوبها

12- لو دخلت كلية لأى سبب آخر ، سوف تجعل غيرك هو الشماعة اللى تعلّق عليها فشلك

13- مهما فشلت أو اتأخرت فى كلية تحبها ، مصيرك سوف تنجح فيها – بإذن الله –

14- طظ فى المجتمع اللى بيفكّر فى تأمين معاشك و انت لسه عندك 18 سنة !!

15- إياك أن تضيّع عمرك في دراسة كلية لا تحبها

16- ادرس الكلية التي ممكن تفيدك مستقبلاً فى سوق العمل

17- حدد من دلوقتى انت نفسك تشتغل إيه بعد التخرج .. و حتى من قبل التخرج 

18- مفيش كلية – مهما كانت سهلة – تخلو من التعب .. حتتعب حتتعب .. اتعب فى اللى بتحبه

19- ماتضيعش ترم أو ترمين فى كلية مش بتحبها على سبيل التجربة

20- مش لازم العصفور اللى باليد يكون خير من اللى ع الشجرة .. انفلونزا الطيور ملت البلد

21- لو كل الكليات بالنسبة لك سواء , فأهلا بيك فى نادى العاديين , ربنا ما يجعلك منهم

22- كنت حاتشل لما لقيت أم بتقول لبنتها تدخل طب , عشان يتقدم لها عريس بمقومات أعلى من لو دخلت إعلام !! .. المصيبة إن البنت نفسها تدخل إعلام !!! ..

23- تعبت فى الثانوية ؟؟ .. جهز نفسك لمرمطة أكتر أيا كانت كليتك ..

24- اللى يقول لك : ليه مش ناوى تدخل الكلية الفلانية طالما مجموعك يجيبها , قول له : مالكش دعوة

25- اللى يحاول يكرهك فى اختيارك , قول له : خليك فى حالك ..

26- اللى يجرب يقنعك باختيار غير اللى نويت عليه , قول له : انزل من على ودانى

27- ماحدش حيتحمل نتيجة اختيارك , إلا انت .. كلهم حيتخلوا عنك لو فشلت فى دراستك ..

28- ماتتعبش نفسك فى إقناع حد بإن مجالات العمل دلوقتى اتفتحت و اتغيرت عن من 5 سنين

29- مفيش حاجة اسمها كلية بتكسب أكتر من كلية .. كفاية الهبل ده الله يكرمك ! ..

30- ماتقارنش نفسك بحد فى كلية تانية , و لا حتى لو كان فى نفس كليتك .. انت متميز

31- ياما شفنا خريجى تجارة و مديرين بنوك .. و شفنا صيادلة مافلحوش فى شغلانة

32- كتابتك لورق التنسيق بالفعل مش نهاية المطاف , فيه اختراع اسمه التحويل

33- لا تخسر والديك أو تقاطعهم لو الموضوع لهذه الدرجة – لا قدّر الله –

34- لو مش عارف إزاى تقنعهم ممكن تقرا ده  http://wp.me/p9ibpe-ps

35- لو خلاص نويت على صيدلة , يا ريت تقزقز ده http://wp.me/p9ibpe-sl

36- ارمِ نفسك فى جروبات خاصة بكليتك على الفيس بوك وتعرّ على عالمك الجديد

37- ابدأ من الآن في تكوين علاقاتك التي تتناسب مع الكلية التي سوف تدرسها

38- الكلية لن تكون كافية لتأهيلك إلى سوق العمل ، فـ لازم تطّور مهاراتك بنفسك Update yourself

39- ارمِ نفسك فى أعمال تطوعية وخيرية واجتماعية لاكتساب خبرات جديدة وحقيقية

40- فكّر في الكلام المكتوب ولا تنسّ الاستخارة … فما خاب من استخار وما ندم من استشار

 

.

أحمد الجويلى

التعليقات
المشاركةعلى مواقع التواصل الاجتماعى